Səhiyyə

Rayon ərazisində 3 xəstəxana (85 çarpayılıq Abşeron rayon Mərkəzi xəstəxanası, 50 çarpayılıq Saray qəsəbə xəstəxanası, 20 çarpayılıq Qobu qəsəbə xəstəxanası), Abşeron rayon Poliklinikası,  Abşeron rayon Uşaq Poliklinikası, 11 qəsəbə kənd həkim məntəqəsi, 2 kənd tibb məntəqəsi və Mərkəzi Xəstəxananın nəzdində Təcili və Təxirəsalınmaz Tibbi Yardım şöbəsi əhaliyə xidmət göstərir.

Son illər ərzində rayon əhalisinə göstərilən səhiyyə xidmətinin keyfiyyətinin yaxşılaşdırılması istiqamətində bir sıra tədbirlər görülmüşdür. 2006-2010-cu illər ərzində yerli bələdiyyələrin dəstəyi ilə Novxanı, Masazır, Mehdiabad, Güzdək, Hökməli, Qobustan, Fatmayı, Görədil, Aşağı Güzdək həkim və tibb məntəqələrinin yeni binaları inşa olunmuşdur. Saray və Qobu qəsəbə xəstəxanaları əsaslı təmir edilmişdir.  Ən müasir tələblərə cavab verən Abşeron rayon Mərkəzi xəstəxanasının yeni binasının tikintisi cari ilin sentyabr ayında başa çatması planlaşdırılmışdır.
Ölkə  prezidenti cənab İlham Əliyevin müvafiq tapşırığına əsasən 2019-cu ilin fevral-may aylarında rayon sakinlərinin həkim müayinəsindən keçirilməsi tədbirləri aparılmışdır. Bu baxımdan cənab Prezidentin təşəbbüsü və çağırışı əhali tərəfindən böyük rəğbətlə qarşılanmışdır. Ötən il  215038 nəfər rayon sakini proflaktik tibbi müayinədən keçirilmişdir. Müayinə zamanı aşkar olunmuş  xəstəliklərin vaxtında müalicəsi təmin edilmişdir. Bu tibbi müayinənin 2020-ci ildə də davamlı olaraq həyata keçirilməsi nəzərdə tutulmuşdur.
Şəkərli diabet, vərəm, onkoloji xəstəliklər, böyrək çatmamazlığı, talassemiya və hemofiliyalı xəstələrin dərman preparatları ilə təminatı ciddi nəzarətdə saxlanılmışdır.
COVİD-19 koronavirus pandemiyası dövründə əhalinin maarifləndirilməsi və xəstəliyin yayılmasının qarşısının alınması istiqamətində tədbirlər  həyata keçirilir.  Aşkar olunmuş xəstələrin hospitalizasiyası, xəstə ilə təmasda olmuş şəxslərin müşahidəsi və izoliyasiyası təmin edilir.

ABŞERON RAYON SƏHİYYƏ MÜƏSSİSƏLƏRİ HAQQINDA

MƏLUMAT