İqtisadiyyat

Abşeron rayonunda 1 şəhər (Хırdalan şəhəri), 9 qəsəbə (Ceyranbatan, Saray, Qobu, Güzdək, Digah, Hökməli, Mehdiabad, Aşağı Güzdək, Şəfəq) və 6 kənd (Novхanı, Fatmayı, Görədil, Məmmədli, Masazır, Pirəkəşkül) vardır.

2023-cü ilin sonuna rayonda iqtisadiyyatın bütün sahələrini əhatə etməklə işçilərin sayı 43137 nəfər olmuş və onun 13891 nəfəri dövlət, 29246 nəfəri isə qeyri-dövlət sektorunda çalışmışlar. Hesablanmış əməkhaqqı fondu 318718,8 min manat olmuşdur.  Rayon üzrə bir işçiyə düşən orta aylıq nominal əmək haqqı 709,9 manat təşkil etmişdir. Ötən ilin eyni dövrü ilə müqayisədə işçilərin sayı 9,3 faiz, orta aylıq nominal əmək haqqı isə 11,7 faiz artmışdır.

Regionların inkişafına dair ölkə rəhbərinin müvafiq fərmanlarına əsasən 2003-сü ilin IV rübündən başlayaraq 2024-cü il yanvar ayının 1-ə kimi rayonda 79724 yeni iş yerləri açılmışdır. Mövcud müəssisə və təşkilatlarda 5800 yeni iş yeri yaradılmışdır. 2023-сü ildə isə 1523 yeni iş yeri açılmışdır. 

2023-cü ildə  2620167,2 min manatlıq məhsul buraxılışı olmuş və onun  31,6  faizi sənaye, 11,9 faizi kənd təsərrüfatı, meşə təsərrüfatı və balıqçılıq, 36,5 faizi tikinti, 1,9 faizi nəqliyyat və anbar təsərrüfatı, 1,0 faizi informasiya və rabitə, 17,1 faizi isə ticarət;  nəqliyyat  vasitələrinin təmiri sahələrinin payına düşür.     

2023-сü ildə  iqtisadi və sosial sahələrin inkişafı üçün bütün maliyyə mənbələrindən əsas kapitala 308456,0 min manat investisiya yönəldilmişdir. Dövlət mülkiyyətinə məxsus  müəssisə və təşkilatlar əsas kapitala 80728,8 min manat məbləğində, qeyri-dövlət  müəssisələri isə 227727,2 min manat məbləğində sərmayə qoymuşdur.

Tikinti-quraşdırma işlərində istifadə edilmiş investisiyanın həсmi ötən illə müqayisədə 2,2 dəfə artmış və ümumi investisiyanın 94,9 faizini təşkil edərək 292837,1 min manat olmuşdur.Əsas kapitala yönəldilmiş vəsait bütünlüklə daxili investisiyalar hesabına formalaşmış və onun 26,2 faizi dövlət mülkiyyətinə məxsus müəssisə və təşkilatların, 73,8 faizi isə qeyri-dövlət mülkiyyətinə məxsus müəssisələrin payına düşmüşdür.

Azərbaycan Respublikasının Prezidenti cənab İlham Əliyevin sahibkarlığın inkişafı ilə bağlı rayon İcra Hakimiyyətləri qarşısında qoyduğu vəzifələrlə bağlı Abşeron rayonu çox böyük nəticələr əldə etmişdir. Respublika iqtisadiyyatına qoyulan özəl investisiyaların həcminə görə Abşeron rayonu 2018-ci ildə Respublikada birinci yerdə olmuş və rayon ərazisinə 271,8 milyon manat investisiya cəlb edilmişdir.

2023-cü ildə Sahibkarlığa Kömək Milli Fondu tərəfindən rayon ərazisində fəaliyyət göstərən sahibkarlara 53 investisiya layihəsi üçün 8,7 milyon manat güzəştli kredit verilmişdir ki, həyata keçirilmiş bu layihələr üzrə 197 yeni iş yeri yaradılmışdır.

2023-сü il  kənd təsərrüfatı bölməsində əldə olunan uğurlu nətiсələrlə əlamətdar olmuşdur. 2023-сü ilin məhsulu üçün ümumilikdə 1532,9 (ötən il 1207,5) hektar sahədə bitkiçilik məhsulları əkilmişdir. 2023-сü ildə ümumi əkin sahəsinin 515,0 hektarını və yaxud 33,6 faizini payızlıq taxıl bitkiləri, yəni buğda və arpanın əkin sahəsi təşkil etmiş və hesabat dövründə 515,0 hektar sahədən 458,3 ton taxıl  istehsal olunmuşdur          

2023-сü ildə dövlət kənd təsərrüfatı müəssisələri üzrə payızlıq  taxıl bitkilərinin əkin sahəsi 86,0 hektar təşkil etmişdir.  Tərəvəzin əkin sahəsi  683,8 hektar olmuşdur. Açıq sahə 235,5 hektar, örtülü sahə isə 446,8 təşkil etmişdir. Cəmi tərəvəz 181248,2 (ötən il 135221,6) ton yığılmışdır. 2023-cü ildə açıq sahədən 3158,8 ton,örtülü sahədən isə 178089,5 ton tərəvəz yığılmışdır

2024-cü il yanvar ayının 1-i vəziyyətinə  rayonda 20809 baş iribuynuzlu mal qara, o cümlədən 13203 baş inək və camış, 90283 baş isə qoyun və keçi mövcud olmuşdur.

“Qrand Agro” MMC, “EPCM Group” MMC və fiziki şəxslər tərəfindən 162 hektar ərazidə yeni badam bağı salınmışdır. Ümumi badam bağlarının sahəsi 838,0 ha çatdırılmışdır. 2023-cü ildə  1245,1 ton badam yığılmışdır.

Hesabat dövrü ərzində “Qrand Agro” MMC, “Zirə Agro Park” MMC, 5 saylı Yaşıllaşdırma İdarəsinin zeytun bağlarının ümumi sahəsi 3538,3 hektara çatmışdır. 2023-cü ildə  2224,3 ton zeytun yığılmışdır.

Zəfəran sahəsinin genişləndirilməsi məqsədi ilə hesabat dövründə fiziki şəxslər tərəfindən 7.0 hektar torpaq sahəsi şumlanaraq hazırlanmış və zəfəran bitkisi əkilmişdir. Hal-hazırda Abşeron rayonunda zəfəranın əkin sahəsi  33,0 hektardır. 2023-cü ildə 12 kq quru zəfəran toplanmışdır.