Şriftin ölçüsü :

Saytın rəngi :

Abşeron rayonunda “Orta ümumtəhsil məktəblərində narkomaniyaya qarşı mübarizə mexanizmləri” mövzusunda 400 yaxın müəllim və psixoloq heyəti üçün təlimlər keçirilib

12 sentyabr 2024 | 11:45

Abşeron rayonunda 400-ə yaxın müəllim və psixoloq heyəti üçün təlimlər keçirilib

 

Abşeron rayon İcra Hakimiyyəti və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının birgə təşkilatçılığı ilə  Heydər Əliyev Mərkəzində “Orta ümumtəhsil məktəblərində narkomaniyaya qarşı mübarizə mexanizmləri” mövzusunda cari ilin 10-11 sentyabr tarixlərində təlimlər keçirilib.

Tədbirdə Abşeron rayon İcra Hakimiyyəti Başçısının müavini Gülnar Rəhimova, Narkomanlığa və Narkotik vasitələrin Qanunsuz Dövriyyəsinə qarşı Dövlət Komissiyası yanında fəaliyyət göstərən daimi İşçi Qrupunun məsul əməkdaşı Vasif Quliyev , Səhiyyə Nazirliyinin Respublika Narkoloji Mərkəzinin həkim-psixoloqu, asılılıq üzrə mütəxəssis, psixoterapevt Ramin Allahverdiyev, təlimçi psixoloq Minarə Səbzəliyeva, Abşeron rayonunun orta ümumtəhsil məktəblərinin 6-11 sinif rəhbərləri, məktəb psixoloqları, habelə Abşeron RİH könülləri iştirak ediblər.

Abşeron RİH başçısının müavini, Narkomanlığa və narkotik vasitələrin qanunsuz dövriyyəsinə qarşı mübarizə üzrə Komissiyasının sədri Gülnar Rəhimova çıxışında respublikamızda narkomanlığa, narkotiklərin qanunsuz dövriyyəsinə qarşı mübarizənin ümumdövlət vəzifəsi kimi müəyyən edildiyini, narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlıq problemlərinin həlli istiqamətində kompleks mübarizənin aparıldığını qeyd etdi.

Daha sonra Narkomanlığa və Narkotik vasitələrin Qanunsuz Dövriyyəsinə qarşı Dövlət Komissiyası yanında fəaliyyət göstərən daimi İşçi Qrupunun məsul əməkdaşı Vasif Quliyev, Respublika Narkoloji Mərkəzinin psixoloqu, asılılıq üzrə mütəxəssis, psixoterapevt Ramin Allahverdiyev, təlimçi psixoloq Minarə Səbzəliyeva və Abşeron rayonunun Digah kənd məktəbinin psixoloqu Vüsalə Səfərova çıxış edərək narkomaniyaya qarşı mübarizə üsullarından, narkotik asılılığa dair biliklərin və peşəkarlıq səviyyəsinin artırılması məqsədilə həmin maddələrdən istifadənin risk amilləri, psixoaktiv xüsusiyyətləri və sağlamlığa zərərli təsiri, narkotik asılılığın formalaşma mərhələləri, risk qrupuna aid yeniyetmələrlə məktəb psixoloqlarının fərdi qaydada izahat işlərinin aparılması, antinarkotik təbliğatın vacibliyindən, narkomanlığa qarşı mübarizə üsulları barədə geniş məlumat verilib və iştirakçıları maraqlandıran suallar ətrafında müzakirələr aparılıb.

Sonda Dövlət Komissiyasının daimi fəaliyyət göstərən İşçi Qrupu tərəfindən hazırlanmış “Narkotik vasitələrin və psixotrop maddələrdən sui-istifadə edən şəxslərin müəyyənləşdirilməsinə kömək üçün” metodik tövsiyələr adlı kitabça və zəruri təbliğat materialları iştirakçılara təqdim edilib.

Keçidlər