Abşeron rayon İcra Hakimiyyəti yanında ictimai Şuranın İşçi qrupunun iclası keçirildi
İclasda Abşeron rayon İcra Hakimiyyətinin başçısı Aparatının Sənədlərlə və vətəndaşların müraciətləri ilə iş şöbəsinin müdiri İlkin Əsədov, İctimai Şuranın sədri Elçin Quliyev və işçi qrupunun üzvləri iştirak edib.
İclasda İşçi qrupunun görəcəyi işlər müzakirə olundu, səsvermə nəticəsində işçi qrupunun rəhbəri seçildi. İşçi qrupu kənd və qəsəbələrdə, eləcə də Xırdalan şəhərində ekoloji təmizliyə, sanitar qaydalara riayət edilməsi, ətraf mühitin mühafizəsi, məişət tullantılarının müəyyənləşdirilməmiş yerlərə tökülməsinin qarşısının alınması, tarixi abidələrin mühafizəsi, müəyyənləşdirilməmiş yerlərdə küçə ticarətlərinin qarşısının alınması və sakinlərin yaşam şəraitinin yaxşılaşdırılması, təsərrüfat və başqa fəaliyyətin ekoloji tarazlığının qorunması, həmçinin Ətraf Mühitin Mühafizəsi haqqında qanunun tələblərinin yerinə yetirilməsi üçün bütün problemlərin aşkarlanması və müvafiq qurumlara məlumatların verilməsi məqsədi ilə fəaliyyətə başlamışdır.
