Abşeron rayon İcra Hakimiyyəti ərazi ilk partiya təşkilatında hesabat-seçki yığıncağı keçirilib.
Yeni Azərbaycan Partiyası Abşeron rayon Təşkilatı Abşeron rayon İcra Hakimiyyəti ərazi ilk partiya təşkilatında hesabat-seçki yığıncağı keçirilib.
Tədbirdə YAP Abşeron Rayon Təşkilatının sədri Bilman Vəliyev, Abşeron Rayon İcra Hakimiyyəti başçısının müavinləri və aparatın şöbə müdirləri, YAP Abşeron Rayon Təşkilatı İdarə Heyəti və Şura üzvləri, ərazi-ilk partiya təşkilatlarının nümayəndələri iştirak ediblər.
Yığıncağı giriş sözü ilə YAP Abşeron Rayon Təşkilatının sədri Bilman Vəliyev açmış və yığıncaq iştirakçılarına YAP-ın 24 il ərzində çətin və şərəfli yol keçməsi, partiyanın ölkəmizdə anarxiya və özbaşınalığın hökm sürdüyü bir vaxtda ümummilli lider Heydər Əliyev tərəfindən yaradılması, əslində bu təşkilatın yaradılmasının Azərbaycan cəmiyyətinin tələbi olması, YAP-ın sədri seçildikdən sonra partiyanın möhtərəm prezidentimiz İlham Əliyev cənabları tərəfindən daha da möhkəmlənməsi və güclənməsi, üzvlərinin sayının artması, bunun nəticəsində partiyanın bu gün 689 min nəfər üzvünün olması, partiya üzvlərinin əksəriyyətini ziyalıların, qadınların və gənclərin təşkil etməsi, partiyanın qəbul etdiyi siyasi kursun bu gün möhtərəm prezidentimiz İlham Əliyev cənabları tərəfindən uğurla davam etdirilməsi, “YAP-ın bu günün, sabahın və gələcəyin partiyası” olması barədə yığıncaq iştirakçılarına geniş məlumat verib.
Sədr və katib seçildikdən, gündəlik təsdiq olunduqdan sonra söz məruzə üçün ilk partiya təşkilatının sədri Elgün Hümbətova verilib. E.Hümbətov məruzə ilə çıxış edərək, partiyanın yaranması, inkişafı və gördüyü işlər barədə ətraflı məlumat verib. YAP-ın yaradılmasında ulu öndər Heydər Əliyevin misilsiz xidmətləri, 2016-cı ildə rayonda aparılmış tikinti, quruculuq və abadlıq işləri barədə danışıb.
E.Hümbətov ölkəmizdə başlanan sürətli inkişaf prosesində Respublika Prezidenti cənab İlham Əliyevin yaxından qayğısı, köməyi və dəstəyi ilə Abşeron rayon İcra Hakimiyyətinin Başçısı İradə Gülməmmədovanın yüksək təşkilatçılığı və idarəçiliyi sayəsində rayonumuzda qazanılan uğurları, bu nailiyyətlərdə YAP üzvlərinin, xüsusilə gənclərin böyük fəallığının olduğunu diqqətə çatdırıb.
E.Hümbətov həmcinin qeyd edib ki, rayon təşkilatı hazırda partiyanın amalına sədaqətli, saf, möhkəm əqidəli, möhtərəm Prezidentimiz cənab İlham Əliyevin daxili və xarici siyasətini ürəkdən bəyənən və dəstəkləyən 7 min nəfərdən çox partiya üzvünü öz ətrafında birləşdirir.
Yığıncaqda Abşeron RİH-in müavini - İctimai-siyasi və humanitar məsələlər şöbəsinin müdiri Fuad Cəbrayılov, Abşeron RİH-in müavini – Sosial-iqtisadi inkişafın təhlili və proqnozlaşdırılması şöbəsinin müdiri İlham Quluyev, RİH-in Ərazi idarəetmə və yerli özünüidarəetmə orqanları ilə iş şöbəsinin müdiri Azər Məmmədov, RİH-in Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov və Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Seymur Qasımov çıxış edərək, partiyanın keçdiyi şərəfli yoldan, respublikamızın ictimai-siyasi həyatında oynadığı roldan, Ümummilli Lider Heydər Əliyevin partiyanın formalaşmasında, dövlətçiliyimizin qorunması və möhkəmlənməsində, ölkənin sosial-iqtisadi tərəqqisində xidmətlərindən danışaraq, Yeni Azərbaycan Partiyasının Sədri, ölkə Prizidenti İlham Əliyevin ölkəmizin beynəlxalq nüfuzunun gündən-günə artmasını vurğulayıblar.
Hesabat-seçki yığıncağında partiya üzvlərinin açıq səsverməsi ilə Elgün Hümbətov yenidən ərazi ilk partiya təşkilatının sədri və rayon təşkilatının X konfransına nümayəndələr seçilib.
