Şriftin ölçüsü :

Saytın rəngi :

Millət vəkili Zeynəb Xanlarova Abşeron rayonunda seçiciləri ilə görüşüb

20 oktyabr 2017 | 16:00

Bu gün millət vəkili Zeynəb Xanlarova, rayon İcra Hakimiyyətinin başçısı ilə birgə Abşeron rayonunda bir qrup seçiciləri və rayon ziyalılları ilə görüşüb. Vətandaşları narahat edən məsələlərlə dərindən maraqlanan millət vəkili onları maraqlandıran suallara da cavab verib.

Rayon İcra Hakimiyyətində baş tutan görüşdə seçicilərdən rayon Ağsaqallar şurasının sədri Nadir Ağayev, Xırdalan sakini Şirinbala Xaliqov, Rasim Hüseyinov, Abşeron rayon Mərkəzi Xəstəxanasının Baş həkimi Mehriban Qaralova, və digərləri rayon sakinləri və ziyalılları adından dövlətimizin başçısına minnətdarlığını bildirərək, Abşeron rayonunda həyata keçirilən sosial infrastruktur layihələrindən söz açaraq rayon ərazisində böyük abadlıq işlərinin görüldüyünü, bir çox sosial yonümlü problemlərin tam şəkildə aradan qaldırıldığını qeyd ediblər. Bununla yanaşı Qobu, Aşağı Güzdək və eləcə də digər kənd və qəsəbələrinin bəzilərinə verilən təbii qazın təzyiqinin çox aşağı olmasını qeyd ediblər. Rayon ziyalılları Abşeron rayonunun kənd və qəsəbələrində, rayonun inzibati mərkəzi Xırdalanda son illər tikinti-quruculuq, abadlıq işlərinin böyük vüsətlə və şövqlə görüldüyünü vurğulayıblar.Bildirilib ki, bu quruculuq estafeti bu gün də əvvəlki əzmlə və bir qədər də geniş miqyasda davam edir.

Z.Xanlarova seçicilər tərəfindən bildirilən problemlərlə bağlı aidiyyatı təşkilatlar qarşısında məsələ qaldıracağını deyərək onların həlli istiqamətində çalışacağını söyləyib.

Abşeron rayonunda çox böyük işlərin görüldüyünü, Xırdalan şəhərinin və eləcə də kənd və qəsəbələrin günü-gündən inkişaf etdiyini qeyd edən millət vəkili rayon əhalisinin surətlə atması səbəbindən şəkildə bəzi sosial məsələlərin ortaya çıxması təbii haldır. Dövlətin bu problemləri qarşılamaq iqtidarında olduğunu, yaxın zamanlarda aradan qaldırılacağını deyən Z.Xanlarova hər bir insan üçün xalqına, vətəninə xidmət etməyin ən böyük amal olduğunu bildirib.

Görüşdə rayon İcra Hakimiyyətinin başçısı İradə Gülməmmədova qeyd edib ki, rayonda həllini gözləyən məsələlər də kifayət qədər çoxdur, lakin onların hər birinin öhdəsindən uğurla gəlmək üçün rayon İcra Hakimiyyəti tərəfindən gərgin səy göstərilir. İ.Gülməmmədova Azərbaycan Hökuməti və Səudiyyə İnkişaf Fondunun birgə maliyyələşdirdiyi “Xırdalan şəhərinin su təchizatı və kanalizasiya sistemlərinin genişləndirilməsi və yenidən qurulması layihəsi” çərçivəsində Abşeron rayonu Xırdalan şəhərinin içməli su təchizatı və kanalizasiya sistemlərinin yenidən qurulması haqqında Millət vəkilinə məlumat verib. Şəhərdə görülən bütün işlərin Prezident İlham Əliyevin Xırdalan göstərdiyi diqqət və qayğının nəticəsi olduğunu deyən icra hakimiyyətinin başçısı vurğulayıb ki, layihə yekunlaşdıqdan sonra şəhərin küçə və prospektlərində asfaltlanma işləri aparılacaq.

Keçidlər